UCC WIFI: Dem Sh3da Off Am Anaa Ebi Fault?

FaroukMedia observe wey e see say all de WIFI wey dem install give students no dey job. So sekof that e mek boys mek wald paa.

Calc WIFI no dey job. Shuttle station, Sam Jonah forecourt, Casford summer-heart WIFI, Valco summer-heart WIFI plus chaaw WIFI 4 campus no dey job.

Meanwhile boys den girls dey hiaa WIFI paa mek dem tap den do demma assignments.

De way all dis WIFI no dey job dey mek meners dey suspect say either dem geh fault or dem sh3da off am. Buh why dem 4 off am if ebi so?

Watever de issue be, mek dem look sharp den solve am.

WIFI 4 DE BWOYS BE NECESSARY!

Leave a Reply

Your email address will not be published.

%d bloggers like this: